• თბილისი
  • 21°C
  • 21 სექტემბერი, 2020
article

„ექსპერტიზამ დაადგინა, რომ 20 წლის ანა ნაცვლიშვილს სხეულზე 33 ჭრილობა ჰქონდა მიყენებული“

საქართველოს პროკურატურამ მკვლელობისთვის დაკავებულის ბრალდება დაამძიმა მას შემდეგ, რაც ექსპერტიზამ დაადგინა, რომ მსხვერპლს, 20 წლის ანა ნაცვლიშვილს სხეულზე 33 ჭრილობა ჰქონდა მიყენებული.

ნაცვლიშვილი 22 თებერვალს, გამთენიისას თემქის დასახლებაში საკუთარ სახლთან ახლოს გარდაცვლილი იპოვეს. თავდაპირველად გავრცელდა ინფორმაცია, რომ მას დანით მიყენებული შვიდი შრილობა ჰქონდა. ნათესავების თქმით, გოგონა სახლიდან ღამით სატელეფონო ზარის შემდეგ საშინაო ტანსაცმლით გავიდა და აღარ დაბრუნებულა. მოგვიანებით პოლიციამ დააკავა ლადო გრიგალაშვილი, რომელიც მოკლულს ხვდებოდა.

ადვოკატის თქმით, მსხვერპლს თავზეც კი აქვს ჭრილობები.

„ჭრილობები თავში რაღაც მჭრელი საგნით აქვს მიყენებული, მაგრამ არა დანით. ეს ნივთი ამოღებული არ არის, ხოლო სხვა ჭრილობები, ასევე თავზე, მიღებულია ცემენტის დიდ ბლოკზე დარტყმის შედეგად", - განაცხადა ადვოკატმა.

ადვოკატმა აღნიშნა, რომ ის ალტერნატიული სასამართლო-სამედიცინო და კრიმინალისტური ექსპერტიზის ჩატარებას აპირებს.

ადრე გავრცელდა ინფორმაცია, რომ ნაცვლიშვილის გაუჩინარების შემდეგ მის საძებნელად ოჯახთან ერთად ამჟამად ბრალდებულიც გაემართა.

წინასწარი სასამართლო მოსმენა საქმეზე 22 მაისს არის დანიშნული.

თუ გრიგალაშვილს დამნაშავედ ცნობენ, მას 16-დან 20 წლამდე ან უვადო პატიმრობა ემუქრება. გამოძიების პერიოდში მას თავისუფლების აღკვეთა აქვს მისჯილი.