„ყველას მიმართ სისხლის სამართლებრივი დევნა იქნება დაწყებული, ვინც დანაშაულს ჩაიდენს“ – ახალი გენერალური პროკურორი ოპოზიციის ლიდერებზე
ახალარჩეულმა გენერალურმა პროკურორმა, გიორგი გვარაკიძემ ჟურნალისტებთან განაცხადა, რომ კანონის წინაშე ყველა ადამიანი თანაბარია მისი პოლიტიკური თუ სხვაგვარი შეხედულების მიუხედავად. ეს კომენტარი მან ჟურნალისტებთან საუბრისას, ოპოზიციის ლიდერების დაკავებასთან მიმართებით დასმული კითხვის საპასუხოდ გააკეთა:
„რაც შეეხება პირებს, რომელიც თქვენ ახსენებთ - ამ ადამიანებმა დემონსტრაციულად თქვეს უარი კანონის შესრულებაზე, რაც მიმაჩნია, რომ არასამართლიანია, ზოგადად, იმიტომ, რომ კანონის წინაშე ყველა ადამიანი თანაბარია მისი პოლიტიკური თუ სხვაგვარი შეხედულების მიუხედავად. შესაბამისად, ყველა ადამიანის მიმართ იქნება სისხლის სამართლებრივი დევნა დაწყებული, ვინც დანაშაულს ჩაიდენს. რაც შეეხება იმ საკითხს, რომ ეს ადამიანები ციხეში არიან, მოგეხსენებათ, რომ სასამართლო იღებს გადაწყვეტილებას სასჯელის შეფარდების შესახებ,“ - განაცხადა გვარაკიძემ.
