გიორგი ვაშაძე დააკავეს და 7–თვიანი პატიმრობა შეუფარდეს
„სტრატეგია აღმაშენებლის“ ლიდერი გიორგი ვაშაძე დააკავეს. სამართალდამცავებმა პოლიტიკოსს ხელბორკილები პარტიის ოფისში დაადეს.
დაკავებამდე ოპოზიციონერმა მცირე კომენტარის გაკეთება შეძლო:
„ბრძოლა ბოლომდე, ბრძოლა ერთობით“ – თქვა ვაშაძემ.
„სტრატეგია აღმაშენებლის“ ლიდერი გიორგი ვაშაძე სასამართლომ პარლამენტის დროებითი საგამოძიებო კომისიის მოთხოვნის შეუსრულებლობის გამო დამნაშავედ ცნო.
თბილისის საქალაქო სასამართლოს მოსამართლე ნინო გალუსტაშვილის გადაწყვეტილებით, ვაშაძეს 7 თვიანი თავისუფლების აღკვეთა და 2 წლით თანამდებობის დაკავების აკრძალვა მიესაჯა.
