• თბილისი
  • 10°C
  • 16 თებერვალი, 2020
article

ერაყის სულიერი ლიდერი: ჩვენი ქვეყნის ცა, მიწა და სუვერენიტეტი ყოველდღე ირღვევა საოკუპაციო ძალების მიერ

ერაყის შიიტთა ლიდერი, მუქთადა ალ-სადრი აცხადებს, რომ ქვეყანაში ამერიკული ჯარების ყოფნის წინააღმდეგ, „მილიონიანი მარში“ უნდა გაიმართოს.

"ერაყის ცა, მიწა და სუვერენიტეტი ყოველ დღე ირღვევა საოკუპაციო ძალების მიერ“, - განაცხადა სადრმა, რომელიც ერთ-ერთ პოლიტიკურ ბლოკსაც ხელმძღვანელობს.

5 იანვარს ერაყის პარლამენტმა რეზოლუცია მიიღო და მთავრობას მოუწოდა გააძევოს უცხო ქვეყნების ჯარები ერაყიდან. საპასუხოდ, აშშ-ის პრეზიდენტმა, დონალდ ტრამპმა განაცხადა, რომ ამერიკული ბაზების ასაშენებლად ქვეყანაში „მილიარდობით დოლარი“ დაიხარჯა და თუ ბაღდადს სურს ამერიკამ ქვეყანა დატოვოს, „უნდა გადაუხადოს“.

ერაყის ხელისუფლებამ ქვეყნიდან აშშ-ის ჯარების გაყვანის შესახებ მოთხოვნა პენტაგონის მიერ ბაღდადის აეროპორტში განხორციელებული ოპერაციის შემდეგ გამოთქვა. 3 იანვარს, აეროპორტზე თავდასხმის შედეგად ერაყელი და ირანელი სამხედრო მაღალჩინოსნები დაიღუპნენ.


თეგები :