• თბილისი
  • 22°C
  • 23 სექტემბერი, 2019
article

„ამ ტყვიებს ყოველთვის გამოვიყენებთ მაშინ, როდესაც სახელმწიფო ინსტიტუტები და მოქალაქეების ჯანმრთელობა შტურმისგან იქნება დასაცავი“

„ამ ტყვიებს ყოველთვის გამოვიყენებთ მაშინ, როდესაც სახელმწიფო ინსტიტუტები და მოქალაქეების ჯანმრთელობა შტურმისგან, თავდამსხმელებისგან იქნება დასაცავი“, - ამის შესახებ ფრაქციის ფორმატში მიმდინარე სხდომაზე საქართველოს პრემიერ-მინისტრობის კანდიდატმა გიორგი გახარიამ განაცხადა.

მან „ევროპული საქართველოს“ წევრის ირმა ნადირაშვილის მიერ დასმულ კითხვას - „დღევანდელი გადმოსახედიდან მიაჩნდა თუ არა გახარიას, რომ 20 ივნისს გამოყენებული ტყვიები შეცდომა ან დანაშაული იყო?“ უპასუხა.

„გასაგებია თქვენი პოზიცია, ისევ თუ დაგჭირდათ, ისევ გამოიყენებთ?“, - მიმართა ნადირაშვილმა გიორგი გახარიას, რაზეც პრემიერობის კანდიდატმა უპასუხა -„რა თქმა უნდა“.

პარლამენტში ფრაქციების ფორმატში „ევროპული საქართველო“ მთავრობის ახალ შემადგენლობას უსმენს. შეხვედრა უკვე ერთ საათზე მეტია მიმდინარეობს.


თეგები :