• თბილისი
  • 14°C
  • 24 თებერვალი, 2020
article

ცხინვალის საოკუპაციო რეჟიმის სასამართლომ ვაჟა გაფრინდაშვილი პატიმრობაში დატოვა

ცხინვალის საოკუპაციო რეჟიმის მიერ დაკავებული ექიმი ვაჟა გაფრინდაშვილი პატიმრობაში დატოვეს. ამის შესახებ ინფორმაციას „ეხო კავკაზი“ ავრცელებს.

ამავე წყაროს ინფორმაციით, პატიმრობაში დატოვების შესახებ განცხადება გააკეთა ადვოკატმა.

ვაჟა გაფრინდაშვილის ე.წ. სასამართლო პროცესი დღეს გაიმართა.

შეგახსენებთ, ვაჟა გაფრინდაშვილი უკვე თვეზე მეტია, საოკუპაციო რეჟიმის პატიმრობაში იმყოფება. ექიმი 9 ნოემბერს დააკავეს. ოკუპანტები ვაჟა გაფრინდაშვილს ე.წ. საზღვრის კვეთაში ადანაშაულებენ, თუმცა გაფრინდაშვილი ამ ბარლდებას არ აღიარებს.

ქართველ ექიმს, ვაჟა გაფრინდაშვილს ოკუპირებული ცხინვალის ე.წ. სასამართლოს მიერ ორთვიანი წინასწარი პატიმრობა აქვს შეფარდებული.


თეგები :