• თბილისი
  • 24°C
  • 19 ოქტომბერი, 2019
article

"ამ დედით ქართველმა და მამით ამერიკელმა ბიჭმა, ბროწლიანის სათნოების სახლის დასახმარებლად მთელს მსოფლიოში 40 ათასი ევრო მოაგროვა... იცნობდეთ გიორგი ვენკოს!"

ფოტოგრაფი გოგა ჩანადირი სოციალურ ქსელში ამ წერილს და ფოტოს ავრცელებს:

"იცნობდეთ 14 წლის გიორგი ვენკოს.

მან სკოლაში საქველმოქმედო აქციაზე, ასევე, მსოფლიოს მასშტაბით, 40 ათასი ევრო შეაგროვა და სოფელ ბროწლიანის სათნოების სახლს მოახმარა. წყალი გაუყვანა და სახურავი გამოუცვალა.

წარმოგიდგენიათ? თანაც, მან ეს 12-13 წლის ასაკში მოახერხა.

მიდგა, მოდგა, ვის აღარ მიმართა, საქველმოქმედო კონცერტიც გამართა და აი, ასე, ამდენ ადამიანს პირობები გაუუმჯობესა.

გიორგიმ საქველმოქმედო ფონდიც შექმნა - "დავეხმაროთ საქართველოს". არაერთი იდეის გახორციელებას აპირებს.

ის დედით ქართველია, მამით - ამერიკელი. ჰოლანდიაში ცხოვრობს. დედისგან სწორედ იქ გაიგო ბროწლიანის პრობლემაზე.

მისი 2-3 წლით უფროსი ძმა ლევანიც ქველმოქმედია. ის წნორის მოხუცთა თავშესაფარს ეხმარება.

ასაკს დიდი მნიშვნელობა არ აქვს. მნიშვნელობა აქვს მოტივაციას, მიზანდასახულობას, ადამიანების სიყვარულს.

დიდი მადლობა, გიორგი!" - წერს გოგა.


თეგები :