• თბილისი
  • 28°C
  • 13 ივლისი, 2020
article

რუსეთის საგარეო საქმეთა სამინისტრო: აფხაზეთში მომხდარი მოვლენები ქვეყნის საშინაო საქმეა

რუსეთის საგარეო საქმეთა სამინისტრო ოკუპირებულ აფხაზეთში განვითარებულ მოვლენებთან დაკავშირებით განცხადებას ავრცელებს.

რუსეთის დიპლომატიური უწყების ოფიციალურ ვებგვერდზე განთავსებულ განცხადებაში აღნიშნულია, რომ სოხუმში მოვლენების განვითარებას ყურადღების ადევნებენ თვალყურს.

„მომხდარს ვაფასებთ, როგორც ქვეყნის საშინაო საქმეს. ვიმედოვნებთ, რომ აფხაზეთში დაინტერესებული მხარეები პირდაპირი, მშვიდობიანი დიალოგის გზით, სამართლებრივ ჩარჩოში ვითარების სწრაფ სტაბილიზაციას შეძლებენ“, – აღნიშნულია რუსეთის საგარეო საქმეთა სამინისტროს განცხადებაში.

ოკუპირებული აფხაზეთის ე.წ. პრეზიდენტის ადმინისტრაციის შენობასთან  აქცია გუშინ დილიდან დაიწყო. აქციის მონაწილეების ნაწილი ე.წ. ადმინისტრაციაში შეიჭრა. სოციალურ ქსელში შეჭრის კადრებიც გავრცელდა.

აქციის მონაწილეები უკანონოდ ცნობენ ე.წ. არჩევნების შედეგებს, რომელშიც, ოკუპირებული აფხაზეთის „ცენტრალური საარჩევნო კომისიის“ მონაცემებით, რაულ ხაჯიმბამ გაიმარჯვა.

ამასთან, ოკუპირებული აფხაზეთის დე ფაქტო პარლამენტმა მიიღო დოკუმენტი, რომელიც რაულ ხაჯიმბას გადადგომისკენ მოუწოდებს.


თეგები :