• თბილისი
  • 12°C
  • 19 მარტი, 2019
article

ყველის ჰაეროვანი ბურთულები - ფრანგული გუჟერების რეცეპტი

ამ ჰაეროვან ყველის ბურთულებს ფრანგები გუჟერებს ეძახიან, ამზადებენ მოხარშული ცომისგან ყველთან ერთად, რომელიც მსუბუქი და ძალიან გემრიელია. გუჟერები ძალიან უხდება ღვინოს.  შეგიძლიათ მოასხათ თქვენთვის საყვარელი სოუსი.

მოსამზადებლად დაგჭირდებათ:

წყალი 125 მლ;

ფქვილი 70 გ;

მწვანე ხახვი 1 კონა;

მარილი ჩ.კ;

კარაქი 40 გ;

კვერცხი 2 ც;

ყველი 100 გ;

მწიკვი შავი პილპილი;

მომზადება:

გააცხელეთ ღუმელი 220 გრადუსზე, ხოლო გამოსაცხობი ფორმა დაფარეთ პერგამენტის ქაღალდით;

გააცხელეთ ქვაბში წყალი, დაჭერით კარაქი კუბიკებად და ჩაყარეთ წყალში, რაღა შეერიოს კარგად, შემდეგ ჩაყარეთ მარილი და პილპილი. არ გადმოდგათ ცეცხლიდან;

ჩაყარეთ წყალში ფქვილი და კარგად აურიეთ იქამდე, სანამ მასა არ გახდება ერთიანი და ელასტიური. გადმოდგით ცეცხლიდან და აცადეთ გაციება;

ჩაამატეთ კვერცხი და ჩქარ-ჩქარა აურიეთ. ცომი თავიდან იქნება დაშლილივით, მაგრამ თუ კარგად მოურევთ გახდება ერთიანი. ამისათვის საკმაოდ მოსახერხებელია მიქსერის გამოყენება;

დაამატეთ ¾ ყველი და ხახვი, აურიეთ;

გუჟერების ფორმირება ყველაზე მარტივია საკონდიტრო ტომრის მეშვეობით, მაგრამ თუ არ გაქვთ შეგიძლიათ კოვზი გამოიყენოთ;

დარჩენილი ყველი მოაყარეთ ბურთულებს ზემოდან და მოათავსეთ ღუმელში 10 წუთით;

დაუწიეთ ტემპერატურას 190 გრადუსამდე და მოათავსეთ ისევ ღუმელში 25 წუთით, ბურთულებმა ოქროსფერი შეფერილობა უნდა მიიღონ;

იმისათვის, რომ გუჟერები იყოს ხრაშუნა, მომზადებამდე 5 წუთით ადრე ყველა ბურთულას ჩაარჭეთ ჩანგალი, რათა ორთქლი გამოვიდეს და ჩააბრუნეთ ღუმელში.

ბურთულებს შეგიძლიათ მოაყაროთ მწვანილი გემოვნებით;

გუჟერები სასურველია ცხელი მიირთვათ.



თეგები :

×