12:24:49 25-02-2021
ჟურნალისტ ვახო სანაიას თავს დაესხნენ, დაკავებულია 3 პირი
შინაგან საქმეთა სამინისტროს განცხადებით, ტელეკომპანია "ფორმულას" ტელეწამყვანს, ჟურნალისტ ვახო სანაიას და მისი ცოლის ნათესავს თბილისში თავს დაესხნენ. მომხდართან დაკავშირებით 3 პირია დაკავებული
"გამოძიებით დადგინდა, რომ ნასვამ მდგომარეობაში მყოფმა ბრალდებულებმა, ურთიერთშელაპარაკების ნიადაგზე, ჯგუფურად ფიზიკური ძალადობა განახორციელეს ტელეკომპანია "ფორმულას" ჟურნალისტის - 1985 წელს დაბადებული ვ.ს.-ს და მისი მეუღლის ნათესავის 1986 წელს დაბადებულ ნ.მ.-ს მიმართ.
საპატრულო პოლიციის თანამშრომლებმა, საქმეზე ჩატარებული გადაუდებელი საგამოძიებო მოქმედებების შედეგად, სამივე ბრალდებული დააკავეს",
0