03:30:14 22-11-2017
სუს: პირებმა, რომელთა დაკავების ოპერაციაც მიმდინარეობს, ცეცხლი გახსნეს
სახელმწიფო უსაფრთხოების სამსახურის კონტრტერორისტული დეპარტამენტი ბერი გაბრიელ სალოსის ქუჩაზე, საცხოვრებელი კორპუსის მეექვსე სართულზე სპეცოპერაციას ატარებს.
სუს-ის ინფორმაციით, პირებმა, რომელთა დაკავების ოპერაციაც მიმდინარეობს, სპეციალური დანაყოფის მიმართულებით ცეცხლი გახსნეს. უწყების ცნობით, ამ დროისთვის ისინი ერთ-ერთ საცხოვრებელ ბინაში იმყოფებიან.
სპეცოპერაციის ადგილის მიმდებარე ტერიტორიაზე მცხოვრები მოსახლეობის უსაფრთხოება დაცულია.
ადგილზე მობილიზებულია ათეულობით სპეცრაზმელი და პოლიციის რამდენიმე ეკიპაჟი.
რუსთავი 2-ის ინფორმაციით, მიმდინარეობს ორი პირის დაკავება, რომლებსაც ბრალი ედებათ ტერორიზმში. წინასწარი ინფორმაციით ისინი არ არიან საქართველოს მოქალაქეები და დროებით პანკისის ხეობაში ცხოვრობდნენ.
0