დეველოპერული კომპანია „m²“-ი შშმ პირებისთვის სამშენებლო პროექტების ადაპტაციის გეგმას ქმნის

თბილისი, 3 დეკემბერი, 2014– დეველოპერულმა კომპანიამ„m²“-ი და არასამთავრობო ორგანიზაციამ „კოალიცია დამოუკიდებელი ცხოვრებისათვის“ ურთიერთთანამშრომლობის მემორანდუმი გააფორმეს. აღნიშნული მემორანდუმის შედეგად, დეველოპერული კომპანია „m²“-ი, ხდება ქვეყანაში პირველი დეველოპერი, რომელიც შეიმუშავებს და სტანდარტის სახით დაამკვიდრებს,  სამშენებლო პროექტების დაგეგმვის ეტაპზევე, ყველა კატეგორიის შშმ პირების მოთხოვნილებების და საჭიროებების გათვალისწინებას უნივერსალური დიზაინის ნორმალების დაცვით. აღნიშნული გეგმა შესაძლებელს გახდის, საცხოვრებელი თუ კომერციული ფართი დაიგეგმოს იმგვარად, რომ გარემო ბარიერებისაგან მაქსიმალურად თავისუფალი იყოს და მოერგოს ნებისმიერი ადამიანის შესაძლებლობას.

ხსენებული გეგმის შემუშავებაში, დეველოპერულ კომპანიას „m²“-ი კონსულტაციას გაუწევს „კოალიცია დამოუკიდებელი ცხოვრებისთვის“, რომელიც ფლობს შშმ პირების საკითხებზე მუშაობის არაერთი წლის გამოცდილებას. აღნიშნული გეგმა დაეყრდნობა გაეროს 2006 წლის 13 დეკემბრის „შშმ პირის უფლებების დაცვის კონვენციას“. რომელიც შშმ პირთათვის დამოუკიდებელი ცხოვრებისა და ცხოვრების ყველა სფეროში მათი სრულყოფილი მონაწილეობისათვის შესაბამისი ზომების მიღებას ითვალისწინებს. ხსენებული გეგმა, შეიქმნება სახლემძღვანელოს სახით და მის გამოყენებას  ნებისმეირი არქიტექტორული კომპანია შეძლებს. გეგმა შეეხება როგორც ნაგებობას, ასევე ეზოს და ბინის ინტერიერს, მათ შორის. შეიქმნება შშმ პირთათვის ადაპტირებული ბინის სველი წერტილის, ჩამრთველის, კარისა და ინტერიერის სხვა ელემენტების მოდელები.

 „კოალიცია დამოუკიდებელი ცხოვრებისათვის“ ასევე მოახდენს კომპანია „m²“-ის ახალი სამშენებლო პროექტების მშენებლობის პროცესისა და დასრულებული შენობების მონიტორინგს. დასრულებულ მშენებლობას გადაეცემა კომპლექსის შშმ პირებზე სრულად ადაპტირების  დამადასტურებელი სერტიფიკატი.

დეველოპერული კომპანია „m²“-ის მიზანია, ყველა მიმდინარე და სამომავლო პროექტის ფარგლებში, იზრუნოს ადამიანებისთვის კომფორტული, ჯანსაღი და უსაფრთხო გარემოს შექმნაზე, მათ შორის შშმ პირებისთვის გარემოს ადაპტაციაზე. სოციალური პასუხისმგებლობის ფარგლებში, კომპანია „m²“-მა უკვე დააფინანსა თბილისში ვაჟა-ფშაველას გამზირის სრული ადაპტაცია შეზღუდული შესაძლებლობების პირთათვის, სადაც ჯამში 183-ი პანდუსი დამონტაჟდა. ხოლო ყაზბეგის გამზირზე „m²“-ის დაფინანსებით 107 პანდუსი მოეწყო. აღნიშნული  პროექტების განხორციელება შესაძლებელი გახდა ფონდ „სიცოცხლის ხის“ მხარდაჭერით.

 m² -ის შესახებ:

m²-ის  მისიაა, საქართველოში მცხოვრები ადამიანებისთვის შექმნას უკეთესი ხარისხის, კომფორტული და თანამედროვე საცხოვრებელი პირობები. m² საქართველოში ამკვიდრებს  ხარისხიანი და კომფორტული ცხოვრების სტანდარტს და ყველასთვის ხელმისაწვდომს ხდის მას.  m² ეძებსისეთ ნოვატორულ მიდგომებს, რომლებიც ახალ სიმაღლეზე აიყვანს საცხოვრებელი ფართის როგორც ოპტიმალური დაგეგმვის, ისე მშენებლობის პროცესს. დამატებითი ინფორმაციისთვის ეწვიეთ: www.m2.ge

„კოალიცია დამოუკიდებელი ცხოვრებისათვის“ შესახებ:

კოალიცია დამოუკიდებელი ცხოვრებისათვის არის საზოგადოებრივი ორგანიზაცია, რომელიც 26-მდე ორგანიზაციას აერთიანებს და რომლის მიზანია ნებისმიერი ადამიანისთვის შეიქმნას თანაბარი პირობები პოტენციალის გამოსავლენად, მოხდეს შეზღუდული შესაძლებლობების მქონე პირების მაქსიმალური ჩართულობა საზოგადოებაში მიმდინარე პოლიტიკურ, ეკონომიკურ, სოციალურ და კულტურულ ცხოვრებაში. კოალიცია საერთაშორისო ნორმებისა და კონვენციების დაყრდნობით ხელს უწყობს კანონმდებლობისა და აღსრულების სახელმწიფო სისტემის სრულქმნას. აგრეთვე ფიზიკურ გარემოში თავისუფალი დიზაინის დანერგვასა და დამოუკიდებელი ცხოვრების ფილოსოფიის პოპულარიზაციას.

 

 

 

 

0

ავტორი: