17:00:16 01-09-2023
"პრეზიდენტის ევროპაში გაშვება-არგაშვების წარმოდგენები ოლიგარქის დადგმული სპექტაკლია, შემოდგომაზე ვიხილავთ ახალ პროექტს პროდასავლური ხმების “გადასაქაჩად” – მიხეილ სააკაშვილი
აქართველოს მესამე პრეზიდენტის მიერ გამოქვეყნებულ წერილში ნათქვამია, რომ პრეზიდენტის ევროპაში გაშვება-არგაშვებასთან დაკავშირებული "წარმოდგენები", ოლიგარქის დადგმული სპექტაკლი, რომელიც მთავარი თემებიდან ყურადღების გადატანას ემსახურება. მისივე ინფორმაციით, ივანიშვილი ამზადებს ახალ პოლიტიკურ პროექტს პროდასავლური ხმების “გადასაქაჩად”:
"ჩემთვის დღესავით ნათელია, რომ მთელი ეს წარმოდგენები, რომელიც პრეზიდენტის ევროპაში გაშვება-არგაშვებასთანაა დაკავშირებული, არის ოლიგარქის დადგმული სპექტაკლი და მეტი არაფერი. ეს შულერის სვლებია, რომელიც მთავარი თემებიდან ყურადღების გადატანას ემსახურება, ისევე როგორც შემოდგომაზე ვიხილავთ ახალ პოლიტიკურ პროექტს პროდასავლური ხმების “გადასაქაჩად”, რომელიც ასევე იქნება ივანიშვილის ერთ-ერთი ინსტრუმენტი საქართველოს საბოლოოდ დასამონებლად.
მე დარწმუნებული ვარ, რომ დღეს აღარაა 2012 წელი, ამომრჩეველმა დიდი გამოცდილება მიიღო და არ მოტყუვდება.
თანაც, ჩვენი საბოლოოდ გათავისუფლების მიმართულებით საერთაშორისო მასშტაბით ტექტონიკური ცვლილებები ხდება.
ახლა მთავარია ჩვენი ერთიანობა და სიმტკიცე!", – ნათქვამია მიხეილ სააკაშვილის განცხადებაში.