16:01:21 23-03-2023
"მივესალმებით, თუნდაც პირდაპირ ფრენებს და თუნდაც უვიზო მიმოსვლას" – კახა კალაძე რუსეთზე
რუსეთის დუმის დეპუტატმა საქართველოსთან უვიზო რეჟიმის აღდგენა და პირდაპირი ფრენები კიდევ ერთხელ დააანონსა. აღნიშნულს დედაქალაქის მერი კახა კალაძე გამოეხმაურა და განაცხადა, რომ მმართველი გუნდი ზემოთთქმულს მიესალმება:
„თქვენ იცით, რომ ცალმხრივად იყო ყველაფერი გაკეთებული, სანქცირებული ჰყავდათ ჩვენი ქვეყანა და ჩვენი ხალხი, შემოღებული იყო ვიზები, აკრძალული იყო პირდაპირი ფრენები. თუ ამ გადაწყვეტილებას მიიღებენ, ეს მათი გადასაწყვეტია და მათ უნდა მიიღონ. თუ ეს გადაწყვეტილება იქნება, რა თქმა უნდა, ჩვენ მივესალმებით, თუნდაც პირდაპირ ფრენებს და თუნდაც უვიზო მიმოსვლას ჩვენი ქვეყნის მოქალაქეებისთვის“, – განაოცხადა კალაძემ.