16:50:14 12-01-2023
"ყოველ დღე იკლებს ნახევარ კილოს ადამიანი" - გიული ალასანია მიხეილ სააკაშვილზე
კლინიკა "ვივა მედში" მესამე პრეზიდენტი დედამ, გიული ალასანიამ მოინახულა. ის ისევ იმეორებს, რომ სასამართლო პროცესები ჭიანურდება, მიხეილ სააკაშვილის ჯანმრთელობის მდგომარეობა კი ყოველდღიურად უარესდება.
"ყოველ დღე იკლებს ნახევარ კილოს ადამიანი, და გუშინ არაერთხელ გაიჟღერა იმ პროცესზე, რომ არის კახექსია, რომელიც არის ძალიან მძიმე დაავადება, ვინც არ იცის. უარყოფითად აფასებს, ისევე როგორც მე, იმიტომ რომ როცა ადამიანზე გამოდიან ასეთი პროფესიონალები და ყველა ერთხმად ამბობს, რომ არის გადაუდებელი შემთხვევა და ყოველ წუთს შეიძლება ფატალურად დამთავრდეს. ამის ასე ერთი კვირით გადადება, ერთი კვირით გადადება რას ნიშნავს აბა თუ არა გაჭიანურებას", - თქვა გიული ალასანიამ.