15:28:01 08-12-2022
"ჩემი შვილი სიკვდილის პირასაა, გთხოვთ ყველას, გადამირჩინოთ შვილი" – გიული ალასანია
საქართველოს მესამე პრეზიდენტის მიხეილ სააკაშვილის დედა გიული ალასანია მიმართვას ავრცელებს, სადაც ნათქვამია, რომ მიხეილ სააკაშვილი სიკვდილის პირასაა.
ალასანია ხეელისუფლებას, ქართულ და საერთაშორისო საზოგადოებას მისი შვილის გადარჩენას სთხოვს:
"მინდა მივმართო ქართულ საზოგადოებას. ჩემი შვილი, საქართველოს მესამე პრეზიდენტი და უკრაინის რეფორმათა ეროვნული საბჭოს თავმჯდომარე სიკვდილის პირასაა. კლინიკის ექიმები სასოწარკვეთილებაში არიან.
ვთხოვ ყველას გადამირჩინოთ შვილი, ხელისუფლებას, ქართულ და საერთაშორისო საზოგადოებას. როდესაც პროცესი შედგება, ვთხოვ ყველა არაგულგრილ ადამიანს მოვიდეს სასამართლოსთან და მშვიდობიანად, ყოველგვარი პოლიტიკის გარეშე, გამოხატოს პოზიცია ადამიანის სიცოცხლის გადასარჩენად.
არასოდეს ცხოვრებაში არ მომიმართავს ასეთი მოწოდებით, მაგრამ ახლა ძალიან მძიმე მომენტი დამიდგა და ყველას სოლიდარობის და სულგრძელობის იმედი მაქვს", – ნათქვამია მიმართვის წერილში.