15:52:20 20-06-2022
"ივანიშვილი არის ქველმოქმედი" – მამუკა მდინარაძე
პარტია "ქართული ოცნების" წევრი მამუკა მდინარაძე აცხადებს, რომ ბიძინა ივანიშვილი არა ოლიგარქი არამედ ქველმოქმედია, ამის შესახებ "მთავარი არხის" ჟურნალისტთან პოლემიკისას აღნიშნა და განაცხადა, რომ სწორედ ზემოთ აღნიშნულ არხს აფინანსებს ოლიგარქი:
""ქველმოქმედს დავარქვათ ქველმოქმედი, ოლიგარქის იდენტიფიცირება მოვახდინოთ... [ოლიგარქი არის] ადამიანი, რომელიც თავისი გავლენით, მათ შორის, მაგალითად, დიდი ფულით ცდილობს გავლენა მოახდინოს კონკრეტულ გადაწყვეტილებაზე, დააფინანსოს ტელევიზიები და ეს გავლენები იყოს არალეგიტიმური და ა.შ. ასეთი არის თქვენი ტელევიზიის დამფინანსებელი და ბიძინა ივანიშვილი არის ქველმოქმედი, მათ შორის პოლიტიკური ქველმოქმედება განახორციელა 2012 წელს. თქვენ ვინ გაფინანსებთ? თუ სახელს და გვარს იტყვით დაასახელებთ ოლიგარქს.... ვერ გათქმევინეთ ტელევიზიის დამფინანსებელი ვინ გყავთ, ტელევიზიაში მუშაობთ და არ იცით ვინ გაფინანსებთ, ან არ ამბობთ, ერთიც უბედურებაა და მეორეც", – განაცხადა მამუკა მდინარაძემ.