12:51:45 10-05-2022
"ჩამოსაყალიბებლები ხართ" - სააკაშვილის სასამართლო პროცესიდან გაქცეული მოსამართლე
თბილისის საქალაქო სასამართლოში საქართველოს მესამე პრეზიდენტის მიხეილ სააკაშვილი პროცესი დასრულდა.
დაცვის მხარემ პროცესზე შუამდგომლობა დააყენა, რომ რუსთავის ციხეში მიხეილ სააკაშვილთან "ემპათიას" ექსპერტებს შესვლის საშუალება მისცემოდათ. მოსამართლე კოჭლამაზაშვილმა საპასუხოდ თქვა, რომ შუამდგომლობაზე გადაწყვეტილების მისაღებად რომელიმე ექსპერტთან გასაუბრება სჭირდებოდა.
დაცვის მხარემ წარადგინა მიხეილ სააკაშვილის წერილი, სადაც ის წერს, რომ ადვოკატებს პროცესზე წარედგინათ შუამდგომლობები, თუმცა უშუალოდ მტკიცებულებების განხილვა არ მომხდარიყო. პარალელურად, მოსამართლემ წარადგინა პენიტენციური სამსახურის დოკუმენტი, სადაც იყო ზოგადი განმარტება და მიხეილ სააკაშვილის ხელმოწერა, რომ ის თანახმა იყო გამართულიყო დღევანდელი პროცესი.
სწორედ ამ მიზეზით, მოსამართლემ დაცვის მხარეს უთხრა, რომ "ჩამოყალიბებულები არ იყვნენ".
"აშკარად გამოჩნდა, რომ დღევანდელ პროცესზე მოსამართლის მიზანი იყო, რომ თავიდან აეცილებინა პასუხისმგებლობა და გადაედო პროცესი. ისე გაიქცა ოთახიდან წესიერად არც უთქვამს მიზეზი პროცესის გადადების, აშკარად გამოჩნდა, რომ როგორც ჩანს ბადრი კოჭლამაზაშვილი სხდომათა დარბაზიდან გასაქცევად მომზადებული იყო", - თქვა ადვოკატმა, დიმიტრი საძაგლიშვილმა.