12:13:13 14-03-2022
ორსული, რომელიც ოკუპანტების მიერ დაბომბილი მარიუპოლის სამშობიაროდან საკაცით გამოიყვანეს, დაიღუპა (ფოტო)
მარიუპოლში ორსული ქალი გარდაიცვალა, რომელიც სამშობიარო სახლზე მიტანილი ავიადარტყმის დროს შენობაში იმყოფებოდა.
"გავრცელებული ვიდეოკადრებიდან პირველი ორსული ქალი, რომელიც შენობიდან საკაცით გამოჰყავდათ, ვერ გადარჩა. მისი მუცლადმყოფი ბავშვიც ვერ გადაარჩინეს", – ნათქვამია გავრცელებულ ინფორმაციაში.
შეგახსენებთ, რომ ამავე სამშობიაროში მყოფმა კიდევ ერთმა ორსულმა,რომელიც ასევე დაშავდა, რამდენიმე დღის წინ ქალიშვილი გააჩინა. ამ დროისათვის ისინი თავს კარგად გრძნობენ.