23:40:30 25-01-2022
ომის ზღვარზე - უკრაინაში ამერიკული სამხედრო დახმარების მესამე ნაწილი ჩავიდა
ბორისპოლის აეროპორტში ცოტა ხნის წინ ამერიკული თვითმფრინავი დაჯდა - უკრაინაში სამხედრო დახმარების მესამე ნაწილი ჩავიდა.
უკრაინის თავდაცვის მინისტრის მოადგილის ინფორმაციით, დახმარების პაკეტი მოიცავს თანამედროვე აღჭურვილობასა და თავდაცვით საბრძოლო მასალას.
ამერიკული დახმარების პირველი ნაწილი უკრაინაში 22 იანვარს ჩავიდა, მეორე კი- 23 იანვარს.
შეგახსენებთ, უკრაინისთვის, 200 მილიონი დოლარის უსაფრთხოების პაკეტი ბაიდენმა დეკემბერში დაამტკიცა.
უკრაინა რუსეთთან ომის ზღვარზეა. აშშ-ს პრეზიდენტი აცხადებს, რომ თავდასხმის შემთხვევაში, რუსეთი მიიღებს ისეთ პასუხს, როგორიც ჯერ არ მიუღია.