ძლიერი წვიმის შედეგად ბათუმი დაიტბორა
ბათუმი ისევ დაიტბორა - გუშინ მოსულმა უხვმა ნალექმა საპორტო ქალაქს პრობლემები შეუქმნა. დატბორილია ავტოსადგურის მიმდებარე ტერიტორია და ქალაქის რამდენიმე ქუჩა, განადგურებულია მოსახლეობის ნივთები და დატბორილია კომერციული ობიექტებიც.
დაზარალებული მოსახლეობა ამბობს, რომ სანიაღვრე მილები წყალს არ ატარებს და მსგავსი პრობლემა ყოველ წელს ექმნებათ. ისინი დახმარებას ითხოვენ.
ძლიერი წვიმის გამო, მოსახლეობა მთელი ღამის განმავლობაში შველას ითხოვდა, თუმცა სამაშველო სამსახური ადგილზე დილის 8 საათამდე არ გამოჩენილა.
ავტორი: პრესა.ჯი
