12:29:24 24-08-2021
ნაციონალურ მოძრაობას ქართული ოცნების მოქმედი წევრები შეუერთდნენ
ერთიან ნაციონალურ მოძრაობას ქართული ოცნების მოქმედი წევრები ელგუჯა გურგენიძე და ოთარ პატეიშვილი შეუერთდნენ.
ელგუჯა გურგენიძე ამბროლაურის საკრებულოს თავმჯდომარის მოადგილეა. ის ამბროლაურის მერობის კანდიდატი იქნება ერთიანი ნაციონალური მოძრაობიდან.
ოთარ პატეიშვილი კი ლანჩხუთიდან იყრის კენჭს. ქართული ოცნების მოქმედი წევრები პარტიის დატოვების მთავარ მიზეზად შიდადაპირისპირებას, საჯარო მოხელეებთან დამოკიდებულებას და საკადრო პოლიტიკას ასახელებენ.