19:24:41 14-06-2021
14 ივნისი საქართველოში შეზღუდული შესაძლებლობების მქონე პირთა უფლებების დაცვის დღეა
“აჭარაბეთის“ კორპორაციული სოციალური პასუხისმგებლობის პლატფორმა „ინიციატივის“ და “ახალგაზრდული მედია კავშირის“ ორგანიზებით პროექტის “აქტიური ცხოვრება ჩემი სტიქიაას’’ფარგლებში, შეზღუდულ შესაძლებლობების მქონე პირთა უფლებების დაცვის დღესთან დაკავშირებით ლისის ტბაზე გაიმართა ღონისძიება, სადაც სპორტულ აქტივობებთან ერთად კონცერტიც გაიმართა, რომელშიც მონაწილეობდნენ საქართველოს ყრუთა კავშირთან არსებული ანსამბლები, სპორტული ეტლით მოცეკვავეები და ქართული ესტრადის წარმომადგენლები.
ღონისძიებაში მონაწილეობა მიიღეს სამშვიდობო მისიებსა და სხვადასხვა საომარ მოქმედებაში დაჭრილ-დაშავებულმა სამხედრო მოსამსახურეებმა, ომის ვეტერანებმა, პარასპორტსმენებმა, შშმ პირებმა, აფხაზეთიდან დევნილებმა და საზოგადოებისთვის ცნობილმა სახეებმა.
ღონისძიების მიზანია, შეზღუდული შესაძლებლობების მქონე ადამიანების სოციალური იზოლაციის დაძლევა, საზოგადოებაში მათ მიმართ არსებული ნეგატიური სტერეოტიპების რღვევა და მათი რეალური შესაძლებლობების წარმოჩენა.
14 ივნისი, საქართველოში შეზღუდულ შესაძლებლობების მქონე პირთა უფლებების დაცვის დღედ, 2000წელს გამოცხადდა.
(1).jpg)