11:08:05 27-04-2021
მესტიის სოფელ ჟაბეში ღელე ადიდდა - მოსახლეობის ევაკუაცია განხორციელდა
საგანგებო სიტუაციების მართვის სამსახურის ინფორმაციით, მესტიის მუნიციპალიტეტის სოფელ ჟაბეში ღელე ადიდდა, რომელსაც ტალახი მოჰქონდა.
უსაფრთხოების მიზნით, ღელესთან მიმდებარე რამდენიმე სახლიდან მოსახლეობა დროებით ალტერნატიულ საცხოვრებელში გადავიდა.
უწყების ინფორმაციით, დილით, ხილვადობის აღდგენისთანავე, 5-კაციანმა სამაშველო ჯგუფმა ღელის სათავეში არსებული სიტუაცია გადაამოწმა. პარალელურად, სოფელ ჟაბეში მძიმე ტექნიკით კალაპოტის გაწმენდის სამუშაოები მიმდინარეობდა.
საგანგებო აცხადებს, რომ ადგილზე სიტუაცია სტაბილურია და კონტროლს ექვემდებარება. შემთხვევის შედეგად არავინ დაშავებულა.