14:58:04 23-04-2021
"რა შეიძლება იყოს ვაქცინაციის ყველაზე ქმედითი რეკლამა საქართველოში, ბიძინა ივანიშვილი უნდა აიცრას საჯაროდ"
„რესპუბლიკური პარტიის“ ყოფილი წევრის დავით ზურაბიშვილის განცხადებით, კოვიდვაქცინაციის შესახებ ეჭვების გასაქრობად, საჭიროა ბიძინა ივანიშვილი საჯაროდ აიცრას.
„მე ვიცი რა შეიძლება იყოს ვაქცინაციის ყველაზე ქმედითი რეკლამა საქართველოში: ბიძინა ივანიშვილი უნდა აიცრას საჯაროდ.
ამის შემყურე გინდ ქოცი, გინდ ნაცი და გინდ არცერთი, ხომ ყველა გაიფიქრებს, ვაქცინა რომ სახიფათო იყოს ჯანმრთელობისთვის, ბიძინა მაგას როგორ გაიკეთებდაო? ჰოდა ეგაა რა“, - წერს დავით ზურაბიშვილი.
შეგახსენებთ, რომ საქართველოში კორონავირუსის საწინააღმდეგო აცრს პროცესი 15 მარტს დაიწყო.