18:09:54 11-02-2021
"ზოგადად განვიხილეთ ვაქცინაციის საკითხი და ფაქტიურად აქ ჩვენ გვინდა ადამიანებს მოვუხსნათ ის შეხედულება" - მეუფე ანტონი
ვანისა და ბაღდათის მიტროპოლიტი, მეუფე ანტონი ამბობს, რომ დღევანდელ სინოდის სხდომაზე კორონავირუსის ვაქცინაციაზეც იმსჯელეს და "ვაქცინაცია არ განიხილება, როგორც ჩიპიზაცია".
"ზოგადად განვიხილეთ ვაქცინაციის საკითხი და ფაქტიურად აქ ჩვენ გვინდა ადამიანებს მოვუხსნათ ის შეხედულება, რომ ვაქცინაცია არ განიხლება როგორც ჩიპიზაცია, ეს სუფთა ბიოლოგიური საკითხია და ეს მედიცინის საკითხია", - თქვა მეუფე ანტონმა.
მისი განცხადებით, არ დაბრკოლდებიან ის ადამიანები, რომლებსაც ვაქცინის გაკეთება სურთ და ეკლესია არ განასხვავებს ვაქცინირებულებსა და არავაქცინირებულებს.
0