ზუგდიდში მცხოვრებ 14 ბავშვს კორონავირუსი დაუდგინდა - მათ ინფექცია რეპეტიტორისგან გადაედოთ

27 სექტემბერს, სამეგრელოს რეგიონის მასშტაბით, გატესტილი 200 ბიოლოგიური ნიმუშიდან, 20 პირს ახალი კორონავირუსი დაუდგინდა. აქედან, 1 ოკუპირებული საბერიოს შემთხვევაა, 1 - მარტვილი, 3 - ფოთი, 15 შემთხვევა კი ზუგდიდში დაფიქსირდა, რომელთაგან 14 არასრულწლოვანია.

ინფორმაციას რადიო "ათინათი" ავრცელებს.

სამეგრელო-ზემო სვანეთის სამხარეო ადმინისტრაციის ცნობით, ბავშვების ინფიცირება მოხდა რეპეტიტორისგან.

"ეს მასწავლებელი კი ოქროს ბირჟის კლასტერია. მეთხუთმეტე ზუგდიდელი კი არის ასევე უკვე დადასტურებული შემთხვევის კონტაქტი. რადგან არასრულწლოვნები მოსწავლეები არიან სამ სკოლაში, სადაც მათ შემხებლობა აქვთ გადავა დისტანციურზე, ეს სკოლებია რუხის, ინგირის პირველი და დიდინეძი. მიმდინარეობს ახალი შემთხვევების კონტაქტების გამოკვლევა და ღრმა ეპიდემიოლოგიური კვლევა“, - ამბობენ გუბერნიაში.

ამავე ცნობით, სულ რეგიონში მცხოვრებ ინფიცირებულთა რაოდენობა შეადგენს 92 მოქალაქეს. რუხის კლინიკაში მკურნალობის კურსს გადის 69 კოვიდპაციენტი, აქედან 4-ის მდგომარეობა შედარებით მძიმეა.

რეგიონის მასშტაბით სულ საკარანტინე სივრცში იმყოფება 173 ადამიანი.

0

ავტორი: