11:29:33 18-06-2020
მესტიის მუნიციპალიტეტში წიწვოვანი ტყის მასივს ხანძარი გაუჩნდა
მესტიის მუნიციპალიტეტის სოფელ ჭუბერის ტყეში გაჩენილი ხანძარი ლოკალიზებულია. საგანგებო სიტუაციების მართვის სამსახურის ინფორმაციით, 112-ში შესული შეტყობინების თანახმად, ჭუბერის ტყეში შეინიშნებოდა ძლიერი დაკვამლიანება და ღია ცეცხლი.
უწყების მიერ გავრცელებული ინფორმაციით, ადგილზე ინდივიდუალური სპეციალური აღჭურვილობითა და დრონით გამოცხადდნენ საგანგებო სიტუაციების მართვის სამსახურის სახანძრო-სამაშველო ჯგუფები მესტიის და ჯვრის სამმართველოებიდან. დაიწყო ხანძრის ქრობის სამუშაოები.
ამ დროისთვის, წიწვოვან ტყეში ცეცხლის ღია კერები აღარ შეინიშნება. ხანძარი ლოკალიზებულია და გავრცელების საფრთხე აღარ არსებობს. მიმდინარეობს ნახანძრალი ტერიტორის დამუშავება.
0