10:10:01 01-06-2020
"რატომ არ ვუყვარვართ ამერიკას?" - ლებრონ ჯეიმსი ჯორჯ ფლოიდის მკვლელობას გამოეხმაურა
აფროამერიკელი ჯორჯ ფლოიდის მკვლელობას და აშშ-ში მიმდინარე საპროტესტო გამოსვლებს ცნობილი ამერიკელი კალათბურთელი ლებრონ ჯეიმსი "თვითერზე" გამოეხმაურა. "რატომ არ ვუყვარვართ ამერიკას? ეს ძალიან სამწუხაროა," - დაწერა კალათბურთელმა.
ჯორჯ ფლოიდის მკვლელობას აშშ-ის ქალაქებში საპროტესტო აქციები მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს.
0