13:51:28 24-05-2020
არასრულწლოვანი შვილის თვალწინ, ცოლის ცემის ბრალდებით დაკავებულ ნიკოლოზ ბასილაშვილს 100 ათასი ლარის ოდენობის გირაო შეეფარდა
ნიკოლოზ ბასილაშვილს გირაო შეეფარდა. ამის შესახებ მისმა ადვოკატმა, ირმა ჭკადუამ პროცესის შემდეგ განაცხადა. მისივე თქმით, ბასილაშვილი ბრალს არ აღიარებს.
პროკურატურამ ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც ოჯახში ძალადობას არასრულწლოვნის თანდასწრებით გულისხმობს.
გამოძიებით დადგინდა, რომ 2020 წლის 21 მაისს, ქ.თბილისში, ავჭალის დასახლებაში, ნიკოლოზ ბასილაშვილმა, ურთიერთშელაპარაკების ნიადაგზე, ყოფილი მეუღლის ნ.დ.-ს მიმართ ფიზიკური ძალადობა განახორციელა.
სამართალდამცველებმა ნიკოლოზ ბასილაშვილი 2020 წლის 22 მაის დააკავეს.
0