14:12:43 15-05-2020
ბალტიის ქვეყნებმა ერთმანეთთან საზღვრები გახსნეს
ბალტიის ქვეყნებმა ერთმანეთთან საზღვრები გახსნეს. დღეიდან, ლიეტუვის, ლატვიის და ესტონეთის მცხოვრებლებს შეეძლებათ აღნიშნულ ქვეყნებში შეზღუდვების გარეშე იმოგზაურონ, ხოლო ევროკავშირის სხვა ქვეყნების წარმომადგენლებს სამივე სახელმწიფოში ჩასვლისას 14- დღიანი კარანტინის გავლა მოუწევთ.
ცნობისთვის, ჯონ ჰოპკინსის უნივერსიტეტის მონაცემებით, სამივე ქვეყანაში ერთად კორონავირუსით გარდაცვლილთა რაოდენობა 150-ს არ აღემატება, ხოლო მთლიანობაში ბალტიისპირეთში დაფიქსირებული შემთხვევების რაოდენობა ამ დროისთვის 4259-ს შეადგენს.
0