14:45:58 13-05-2020
რუსეთში, დათვმა საფლავი ამოთხარა და მიცვალებული შეჭამა (ვიდეო +18)
რუსეთში, ამურის ოლქში, დათვმა ახალდაკრძალული მიცვალებულის საფლავი ამოთხარა და გვამი შეჭამა - კადრები ადგილობრივებმა გადაიღეს და სოციალურ ქსელში მალევე გავრცელდა.
გარშემო ექსპერტებმა მხეცის ნაკვალევიც იპოვნეს. როგორც ისინი აცხადებენ, სამარხი მეტრანახევრის სიღრმეზე იყო გაკეთებული, ამიტომ ცხოველს სუნი მარტივად ეცა და მიაგნო კიდეც მას.
თვითმხილველების განცხადებით, მათ შენიშნეს დათვი სასაფლაოს სიახლოვეს ზუსტად მაშინ, როდესაც ბნელდებოდა და ადგილობრივებს აცნობეს, რომ გარეთ გასვლისგან თავი შეეკავებინათ.
აღსანიშნავია ისიც, რომ ბოლო პერიოდში ამ ტერიტორიაზე დათვებმა დასახლებულ პუნქტებთან ახლოს გამოჩენას მოუხშირეს.
0