11:00:58 11-05-2020
უხანში კორონავირუსით ინფიცირებულთა რიცხვი იზრდება
ჩინეთის ჯანდაცვის ეროვნული კომიტეტის ინფორმაციით, ქალაქ უხანში კორონავირუსით ინფიცირებულთა რიცხვი იზრდება.
უწყების ცნობით, გასული 24 საათის განმავლობაში უხანში კორონავირუსის კიდევ 5 შემთხვევა დაფიქსირდა და ინფიცირებულთა საერთო რიცხვმა 6-ს მიაღწია.
უხანში კორონავირუსის შემთხვევები აპრილის დასაწყისის შემდეგ აღარ იყო დაფიქსირებული. ამიტომ ხელისუფლებამ მცირე ხნის წინ მკაცრი კარანტინის მოხსნის გადაწყვეტილება მიიღო. უხანელებმა კორონავირუსის დამარცხება იზეიმეს კიდეც, თუმცა, ბოლო დღეებში, ქალაქში ინფიცირების ახალი შემთხვევები დაფიქსირდა.
0