11:36:20 30-04-2020
"მსოფლიომ უნდა გაიგოს, როგორ წარმოიშვა "კოვიდ-19"-ის პანდემია" - მაიკ პომპეო უხანის ლაბორატორიის საერთაშორისო მონიტორიგს ითხოვს
ამერიკის შეერთებული შტატების სახელმწიფო მდივანი მაიკ პომპეო ჩინეთს უხანის ლაბორატორიაზე საერთაშორისო დაშვებისკენ მოუწოდებს. მაიკ პომპეოს განცხადებით, მსოფლიომ უნდა გაიგოს, როგორ წარმოიშვა "კოვიდ-19"-ის პანდემია და პეკინი ვალდებულია, იმოქმედოს გამჭვირვალედ.
"მსოფლიომ ვერ მოიპოვა წვდომა უხანის ვირუსოლოგიის ინსტიტუტზე. ჩვენ დაზუსტებით არ ვიცით, საიდან წარმოიშვა ეს ვირუსი. ვფიქრობთ, რომ ჩინეთში რამდენიმე ლაბორატორიაა, რომელიც კვლავ აგრძელებს მუშაობას ინფექციურ პათოგენებზე და ჩვენ არ ვიცით, მუშაობენ თუ არა ისინი უსაფრთხოების დონეზე, რათა თავიდან აიცილონ მსგავსის გამეორება. “, - განაცხადა მაიკ პომპეომ სახელმწიფო დეპარტამენტში გამართულ პრესკონფერენციაზე.
აშშ-ის პრეზიდენტმა, დონალდ ტრამპმა ორი კვირის წინ განაცხადა, რომ მისი ადმინისტრაცია იძიებს, ხომ არ გავრცელდა კორონავირუსის ეპიდემია უხანის ლაბორატორიიდან.
0