კორონავირუსით დაღუპულებისთვის, ბრაზილიაში ექსკავატორით მასობრივ საფლავებს თხრიან - "კრიტიკულ სიტუაციაში ვართ... ადამიანები საკუთარ სახლებში იღუპებიან"

"სი-ენ-ენის" ინფორმაციით, ბრაზილიის ქალაქ მანაუსში კორონავირუსით გარდაცვლილთა დასაკრძალად, ექსკავატორებით, მასობრივ საფლავებს თხრიან.

ქალაქის მერის, ვირჯილიო ნეტოს ოფისი აცხადებს, რომ კორონავირუსის გამო, მანაუსში ყოველდღიურად 100-ზე მეტი ადამიანის დაკრძალვა უწევთ, მანამდე კი დღეში დაახლოებით 30 ადამიანი იღუპებოდა.

"ქალაქის სამედიცინო სისტემა პაციენტების მომსახურებას ვეღარ ახერხებს და ადამიანები სახლებში იღუპებიან. მიუხედავად იმისა, რომ ასეთ კრიტიკულ სიტუაციაში ვართ, ფედერალური მთავრობისგან არანაირი დახმარება არ მიგვიღია“, - აღნიშნა ვირჯილიო ნეტომ.

ბრაზილიაში ამ დროისთვის კორონავირუსის 43,000-ზე მეტი შემთხვევაა დაფიქსირებული, აქედან 2,761 გარდაიცვალა.

0

ავტორი: