"კორონავირუსის წინააღმდეგ ვაქცინის შესაქმნელად გლობალური კოალიციის შექმნა გვჭირდება"

გაეროს გენერალური მდივანი, ანტონიო გუტერეში კორონავირუსის წინააღმდეგ ვაქცინის შემუსავების გლობალური კოალიციის შექმნის ინიციატივით გამოვიდა.

"კორონავირუსის წინააღმდეგ ვაქცინის შესაქმნელად გლობალური კოალიცია გვჭირდება. ვაქცინა ხელმისაწვდომი უნდა იყოს ყველასთვის და ყველგან“, - დაწერა ანტონიო გუტერეშმა Twitter-ზე.

ბოლო მონაცემებით, მსოფლიოში კორონავირუსით დაღუპულთა რიცხვმა 150 ათასს გადააჭარბა. აღნიშნულ მონაცემებს ჯონს ჰოპკინსის უნივერსიტეტი აქვეყნებს.

ვირუსით სულ 2 214 861 ადამიანი დაინფიცირდა, 564 525 გამოჯანმრთელდა, ხოლო 150 948 კი გარდაიცვალა.

პანდემიას მსოფლიოში ყველაზე ბევრი ადამიანი აშშ-ში (34 575) ემსხვერპლა. მეორე ადგილზეა იტალია (22 745), მესამეზე კი -ესპანეთი (19 613).

0

ავტორი: