20:19:48 01-04-2020
ირანის პრეზიდენტი: ირანი მხოლოდ საკუთარ თავზეა დამოკიდებული კორონავირუსთან ბრძოლაში და მაინც ბევრად წარმატებულად ართმევს თავს ამ გამოწვევას, ვიდრე სხვა ქვეყნები
ირანის პრეზიდენტის, ჰასან როუჰანის თქმით, ირანი ბევრად წარმატებით უმკლავდება კორონავირუსის გამოწვევას, ვიდრე სხვა ქვეყნები.
"ჩვენ მხოლოდ საკუთარ თავზე ვართ დამოკიდებულები ამ ბრძოლაში და ბევრად წარმატებულად ვართმევთ თავს ამ გამოწვევას, ვიდრე სხვა ქვეყნები“,-აღნიშნა როუჰანიმ.
ირანის პრეზიდენტმა ამერიკის შეერთებული შტატებიც გააკრიტიკა.
"აშშ-მა დაკარგა შანსი ბოდიში მოეხადა ირანელი ერისთვის... დაკარგა საუკეთესო შესაძლებლობა, რომ სანქციები მოეხსნა. ეს დიდი შანსი იყო, რომ ბოდიში მოეხადათ და გაეუქმებინათ უსამართლო სანქციები ირანისთვის. მათ შეეძლოთ ეს შესაძლებლობა გამოეყენებინათ იმისთვის, რათა ირანელი ერისთვის ეთქვათ, რომ ის მათი წინააღმდეგი არ არის“,-აღნიშნა როუჰანიმ.
ოფიციალური მონაცემებით, ირანში კორონავირუსის 47593 დადასტურებული შემთხვევაა დაფიქსრებული. ვირუსით ქვეყანაში 3036 ადამიანი გარდაიცვალა.
0