16:05:38 31-03-2020
ბელარუსში კორონავირუსით გარდაცვალების პირველი შემთხვევა დაფიქსირდა - გარდაცვლილი ცნობილი მსახიობია
ბელარუსში კორონავირუსით გარდაცვალების პირველი შემთხვევა დაფიქსირდა - ამის შესახებ ინფორმაციას ადგილობრივი მედია ავრცელებს.
გარდაცვლილი იაკუბ კოლასის სახელობის დრამატული თეატრის ცნობილი მსახიობი, 75 წლის ვიქტორ დაშკევიჩია.
როგორც მსახიობის შვილი მედიასთან საუბრისას აღნიშნავს, დაშკევიჩს ზუსტი დიაგნოზი დაგვიანებით დაუსვეს. თავდაპირველად მსახიობსა და მის მეუღლეს ვიტენსკის ერთ-ერთ საავადმყოფოში ფილტვების ანთება დაუდგინეს, ანტიბიოტიკები გამოუწერეს და ბინაზე გაწერეს. მდგომარეობის გართულების შემდეგ ჩატარებული კორონავირუსის პირველი ტესტის პასუხი უარყოფითი იყო და მხოლოდ კიდევ უფრო დამძიმების შემდეგ მეორე ტესტმა კორონავირუსზე დადებითი შედეგი დაადასტურა.
სააგენტო tut.by აღნიშნავს, რომ კორონავირუსის დადასტურებამდე დაშკევიჩი პალატაში სხვა პაციენტებთან ერთად იწვა.
გარდაცვლილის მეუღლე ამჟამად კარანტინში იმყოფება.
ოფიციალური მონაცემებით, ბელარუსში კორონავირუსის 152 შემთხვევა არის გამოვლენილი, აქედან 47 ადამიანი გამოჯანმრთელებულია.
0