დონალდ ტრამპი: ნენსი პელოსი ქვეყნის და მისი ოჯახის სირცხვილია

აშშ-ის პრეზიდენტმა დონალდ ტრამპმა წარმომადგენელთა პალატის სპიკერი ნენსი პელოსი, Fox News-თან ინტერვიუში გაარიტიკა.

გასულ კვირას წარმომადგენელთა პალატის სპიკერმა აშშ-ის პრეზიდენტი კორონავირუსთან დაკავშირებით მიღებული ზომების გამო მკაცრად გააკრიტიკა და აღნიშნა, რომ თავიდან პრეზიდენტი უარყოფდა ქვეყანაში ამ პრობლემის არსებობას.

"ძალიან სამწუხაროა, მაგრამ ჩემი აზრით, ნენსი პელოსი სულით ავადმყოფია. მას უამრავი პრობლემა აქვს. იგი ქვეყნის და მისი ოჯახის სირცხვილია. რა საშინელი განცხადება გააკეთა. ერთადერთი, რაზეც ყოველთვის კონცენტრირდებოდა, იმპიჩმენტი იყო. პანდემიასთან დაკავშირებით არასოდეს უთქვამს რამე. იმპიჩმენტი წააგო და სულელივით გამოიყურებოდა“, - განაცხადა აშშ-ის პრეზიდენტმა.

ჯონს ჰოპკინსის უნივერსიტეტის მონაცემებით, აშშ-ში COVID-19-ით, ბოლო მონაცემებით, 2513 ადამიანი დაიღუპა. 

აშშ-ში კორონავირუსით სულ 143 ათასი ადამიანი დაინფიცირდა. ყველაზე მეტი, 776 ადამიანი ინფექციას ნიუ-იორკში ემსხვერპლა.

0

ავტორი: