უკრაინაში მეტროს მუშაობა, ავია და სარგინიგზო მიმოსვლა შეწყდება

უკრაინის პრეზიდენტის ვოლოდიმირ ზელენსკის დავალებით, კორონავირუსის გავრცელების წინააღმდეგ ქვეყნის ტერიტორიაზე ავტობუსების, ავია და სარკინიგზო მიმოსვლა შეწყდება. დაიხურება მეტრო.

შეზღუდვები ძალაში 18 მარტს ადგილობრივი დროით 12:00 საათზე შევა.

"ინფრასტრუქტურის სამინისტრო 18 მარტს, 12:00 საათიდან კრძალავს სარკინიგზო და ავია მიმოსვლას, ასევე საქალაქთაშორისო და ოლქებს შორის სამგზავრო ავტობუსების მოძრაობას. აიკრძალება მეტროპოლიტენების მუშაობა.

ქალაქებში იმოძრავებენ 10-ადგილიანი სამარშრუტო ტაქსები და ტაქსები, ასევე ტროლეიბუსები, ავტობუსები და ტრამვაი 20-მდე მგზავრით", - განაცხადა ზელენსკიმ ვიდეომიმართვაში.

ბოლო მონაცემებით, უკრაინაში დადასტურებულია კორონავირუსის 5 შემთხვევა, გარდაცვლილია ერთი ადამიანი.

0

ავტორი: