18:23:41 05-02-2020
მარტყოფის ღვთაების მამათა მონასტრის კელიაში მოკლული მამაკაცი იპოვეს
გარდაბნის მუნიციპალიტეტში, მარტყოფის ღვთაების მამათა მონასტერში მკვლელობა მოხდა. ინფორმაციას "საზოგადოებრივი მაუწყებელი" ავრცელებს.
გავრცელებული ინფორმაციით, მოკლულია ახალგაზრდა მამაკაცი, რომელსაც სასიკვდილო ჭრილობა ყელის არეში აქვს მიყენებული.
მკვლელობასთან დაკავშირებით განცხადება გააკეთა საპატრიარქოს საზოგადოებასთან ურთიერთობის სამსახურის უფროსმა, დეკანოზმა ანდრია ჯაღმაიძემ.
"როგორც ეპარქიიდან შეგვატყობინეს მარტყოფის ღვთაების მონასტერში მოხდა მკვლელობა. მონასტერს შეფარებული ჰყავს უსახლკაროები და სხვადასხვა სოციალური თუ სამედიცინო პრობლემების მქონე ადამიანები. როგორც აგვიხსნეს, ერთ-ერთმა ფსიქიურად დაავადებულმა, მონასტერს შეფარებულმა ადამიანმა მოკლა მეორე და გაიქცა მონასტრიდან", - თქვა ჯაღმაიძემ.
გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
0