12:27:44 11-12-2019
მოძრაობა „შეცვალეს“ წევრები პრეზიდენტის ადმინისტრაციასთან აქციას მართავენ
მოძრაობა „შეცვალეს“ წარმომადგენლები პრეზიდენტის ადმინისტრაციასთან აქციას მართავენ. აქციის მონაწილეები პრეზიდენტ სალომე ზურაბიშვილის გუშინდელ განცხადებას აპროტესტებენ და მას ანტისახელმწიფოებრივს უწოდებენ.
„სალომე ზურაბიშვილის განცხადება იყო დამაზიანებელი ქვეყნისთვის, სახელმწიფო ინტერესებისთვის. ეს არ იყო პირველი შემთხვევა და ემსახურებიდა რუსული ნარატივის გატარებას ქართულ საზოგადოებაში. ყველგან, სადაც იქნება, შევუქმნით დისკომფორტს, რადგან ის არ არის ხალხის მიერ არჩეული და არ ემსახურება ხალხს, როგორც ამას პრეზიდენტი უნდა აკრთებდეს“ ,- განაცხადა „შეცვალეს“ წევრმა ვანო გომურაშვილმა.
საქართველოსა და კავკასიის შემსწავლელი მეცნიერებების საკოორდინაციო ცენტრის დაფუძნებასთან დაკავშირებით საქართველოს სამეცნიერო საზოგადოების შეკრებაზე, პრეზიდენტმა სალომე ზურაბიშვილმა განაცხადა, რომ საზღვარგარეთ საქართველოს ბევრი სერიოზული მეცნიერი მოღვაწეობს და ამ პროცესში [ქართული კულტურის გატანაში] ისინიც უნდა იყვნენ ჩართული.
„ჩვენ სხვა არც ჯარი გვაქვს, არც იარაღი და არც გვექნება, არც ის დიდი ეკონომიკური პოტენციალი, რომ უცებ დავიპყროთ თუნდაც რეგიონი, მაგრამ გვაქვს ის უზარმაზარი, ძალიან ძლიერი იარაღი, რასაც ჰქვია ცოდნა, მეცნიერება, კულტურა“, – აღნიშნა პრეზიდენტმა.
0