11:20:04 30-10-2019
ამერიკის შეერთებული შტატების წარმომადგენელთა პალატამ თურქეთის წინააღმდეგ სანქციებს მხარი ერთხმად დაუჭირა
ამერიკის შეერთებული შტატების წარმომადგენელთა პალატამ თურქეთის წინააღმდეგ სანქციებს მხარი თითქმის ერთხმად დაუჭირა.
კანონპროექტი მიზნად ისახავს თურქეთის მაღალი რანგის სამხედრო და პოლიტიკური ლიდერების აქტივების გაყინვას და აშშ-ში სამგზავრო ვიზების დაბლოკვას. ის კრძალავს იარაღის ტრანზიტს თურქეთში, თუ მისი გამოყენება მოხდება სირიაში.
წარმომადგენელთა პალატის წევრები ასევე მოუწოდებენ აშშ-ის პრეზიდენტს, დონალდ ტრამპს, სანქციები დაუწესოს თურქეთის თავდაცვის მინისტრს.
თემაზე მოგვიანებით კომენტარი გააკეთა თურქეთის საგარეო საქმეთა სამინისტრომაც. განცხადებაში ნათქვამია, რომ მსგავსი ნაბიჯი "შეუთავსებელია ნატო-ს სულისკვეთებისთვის".
0