12:42:44 15-07-2011
ფრანგული ტელეარხები პლასიდო დომინგოს ბათუმურ გასტროლს ეხმიანებიან
ბათუმში მსოფლიო კლასიკოსების გამოსვლა პიაცას მოედანზე, არაერთი წამყვანი ტელეარხის ობიექტივში ხვდება. განახლებული ბათუმი, პიაცაზე შეკრებილი ათიათასობით მსმენელი და სცენაზე ცოცხალი კლასიკოსები – ამის გასაშუქებლად, მსოფლიოს სხვადასხვა მედიასაშუალების წარმომადგენელი ბათუმში იკრიბება.
ბოლოს, ლეგენდარული ტენორის, მსოფლიოში აღიარებული პლასიდო დომინგოს ბათუმური გასტროლი ტელეარხმა „მეცომ“ გააშუქა. პიაცას მოედანზე 2010 წლის ნოემბერში გამართული კონცერტი პოპულარულმა ფრანგულმა არხმა სრულად აჩვენა. ტელეარხმა უჩვენა ასევე, ის კადრები, თუ როგორ ჩავიდა მსოფლიო საოპერო ვარსკვლავი აჭარაში და როგორ სეირნობდა ის შავი ზღვის სანაპიროზე.
ერთ–ერთმა პრესტიჟულმა მუსიკალურმა ტელეარხმა დომინგოს ბათუმური შთაბეჭდილებები და კომენტარებიც გადასცა. საოპერო ვარსკვლავმა ისიც გაამხილა, რომ საქართველოს მალე ესტუმრება.
0