ეგვიპტემ აშშ-ს 125 „აბრამსი“ შეუკვეთა

ეგვიპტის თავდაცვის სამინისტრომ აშშ-ის 125 ტანკი, M1A1 Abrams შეუკვეთა. პენტაგონის სამხედრო თანამშრომლობის სამმართველომ უკვე წარუდგინა კონგრესს წინადადება, სავარაუდო გარიგების შესახებ, რომლის საერთო ღირებულებაც 1,329 მილიარდი დოლარი იქნება.

კონგრესის მიერ, წინადადების მოწონების შემთხვევაში, კონტრაქტით გათვალისწინებული ტანკების წარმოებას, ამერიკული კომპანია General Dynamics დაიწყებს. ეგვიპტეს, თავის მხრივ, აშშ-ში ოთხი სამხედრო მოსამსახურის და 35 ტექნიკური სპეციალისტის გაგზავნა დასჭირდება. ქვეყანა, ამჟამად, 1005 ამ ტიპის ტანკს ფლობს. ქვეყნის შეიარაღებაში, ასევე, შედის 500 Т-54/55, 550 Т-62, 34 Т-80, 260 Ramses II და 1435 M60 Patton.

0

ავტორი: