11:48:42 19-04-2019
ვარკეთილში „ლიბერთი ბანკი“ დააყაჩაღეს - დაშავებულია 2 ადამიანი
თბილისში, ვარკეთილში „ლიბერთი ბანკი“ დააყაჩაღეს. შემთხვევის შედეგად ორი ადამიანი დაშავდა.
ამ დროისთვის არსებული ინფორმაციით, დაშავებულებს ცეცხლნასროლი ან ცივი იარაღით მიყენებული ჭრილობები არ აღენიშნებათ. წინასწარი ინფორმაციით, მათ დაზიანებები ფიზიკური შეხლა-შემოხლის დროს მიიღეს.
ჯერ უცნობია, წაღებულია თუ არა თანხა ბანკიდან. ადგილზე ამ დრომდე სამართალდამცველები მუშაობენ.
შემთხვევა ცოტა ხნის წინ სუხიშვილის ქუჩაზე, 310-ე კორპუსთან მდებარე „ლიბერთი ბანკის“ ფილიალში მოხდა.
შსს-ის ინფორმაციით, გამოძიება სისხლის სამართლის კოდექსის 179 მუხლით არის დაწყებული, რაც ყაჩაღობას გულისხმობს.
0