Facebook-ის ადმინისტრაციის ინფორმაციით, ხარვეზები კიბერთავდასხმას არ უკავშირდება

Facebook-ის ადმინისტრაციის ინფორმაციით, სოცილურ ქსელზე არ განხორციელებულა ჰაკერული თავდასხმა, თუმცა Messenger და Instagram შეფერხებულ რეჟიმში მუშაობას აგრძელებს.

სოციალურ ქსელ Facebook-ის მფლობელობაში არსებულმა აპლიკაცებმა 13 მარტს გლობალური  შეფერხება განიცადეს. საიტებზე დარეგისტრირებული მომხმარებლები სოციალურ ქსელს რამდენიმე საათის განმავლობაში ვერ უკავშირდებოდნენ.

ზოგიერთ შემთხვევაში, ამ შეფერხებამ მასობრივი კოლაფსის სახე მიიღო. განსაკუთრებული ხარვეზები დაფიქსირდა აშშ- ში, ევროპასა და სამხრეთ ამერიკის დასავლეთ სანაპირო ქვეყნებში.

Whatsapp-ი, რომელიც ასევე Facebook-ის მფლობელობაშია, ამ app-ების მსგავსად გარკვეულ პროგრამულ შეფერხებას განიცდიდა, თუმცა დაზიანება ამ შემთხევაში უფრო ნაკლებია.

სპეკულაციების მიუხედავად, Facebook-მა დაადასტურა, რომ კიბერშეტევა არ განხორციელებულა. ადმინისტრაციის ინფორმაციით, დაზიანება ოთხშაბათს, შუადღის შემდეგ დაიწყო, ხოლო პირველი მასობრივი შეტევა 4 საათის შემდეგაც აღმოუფხვრელი დარჩა.

[I=2] „ჩვენთვის ცნობილია, რომ მომხმარებლების ნაწილისთვის facebook-ისა და მის დაქვემდებარებულ აპლიკაცებში მომსახურება შეზღდუდულია. ვმუშაობთ, რომ აღმოვფხვრათ პრობლემა მაქსიმალურად სწრაფად“, - დაპოსტა ადმინისტრაციამ Twitter-ში მომხდარიდან ორი საათის შემდეგ.

სოციალური ქსელის მომხმარებლებმა Twitter-ში  საკუთარი უკმაყოფილება facebook-თან ერთად  Instagram-ის შეფერხების შემდეგ გამოხატეს.

პრობლემა Facebook-ის მომხმარებელთა მესამედს შეეხო. დანარჩენი ნაწილი კი აცხადებდა, რომ საკუთარ ანგარიშებზე ვერ ახერხებდნენ შესვლას, მესიჯების მიღებას ან  სიახლეების ნახვას. ამავე პრობლემებზე საუბრობენ Instagram-ის მომხმარებლები.

[I=3] მომხდარის პარალელურად, საზოგადოების ნაწილი აღნიშნავდა, რომ მიუხედავად სხვა აპლიკაციებში წარმოქნილი პრობლემებისა, Twitter-ში მსგავსი შეფერხება არ დაფიქსირებულა, რაც მომხმარებლებისთვის ასეთ ვითარებაში პროგრამის სიძლიერესა და სანდოობას უსვამს ხაზს.

0

ავტორი: