პაბლო კასალსი - მუსიკოსი, რომელმაც ეპოქა შექმნა

ესპანელი ვიოლონჩელისტი, დირიჟორი, კომპოზიტორი და საზოგადო მოღვაწე პაბლო კასალსი 1876 წელს დაიბადა. მისი, როგორც ვირტუოზი შემსრულებლის დებიუტი შედგა 1899 წელს, პარიზში. 1901 წლიდან ტრიუმფით გამოდიოდა მსოფლიოს მრავალ ქვეყანაში (1905-1913 წწ. რუსეთში). უკრავდა ტრიოში, ალფრედ კორტოსა და ჟაკ ტიბოსთან ერთად.

კასალსმა, ხანგრძლივი საშემსრულებლო მოღვაწეობით, ეპოქა შექმნა სავიოლონჩელო ხელოვნებაში. 1920 წელს, ბარსელონაში ჩამოაყალიბა სიმფონიური ორკესტრი, 1924 წელს კი - მუსიკალური საზოგადოება, რომელსაც ხელმძღვანელობდა 1936 წლამდე. 1939 წლიდან ცხოვრობდა საფრანგეთში. 1950-იანების პერიოდიდან, ეწყობოდა კასალსის სახალხო ფესტივალები და მრავალ ქვეყანაში იმართება კასალსის სახელობის ვიოლონჩელისტთა საერთაშორისო კონკურსები (პირველი მოეწყო პარიზში).

0

ავტორი: