ბრაზილიის ყოფილი პრეზიდენტი ლუის ინასიო ლულა და სილვა სასამართლომ კორუფციასა და ფულის გათეთრებაში დამნაშავედ მიიჩნია და მას 12 წლითა და 11 თვით პატიმრობა მიუსაჯა.
საქმე ეხება სან-პაულოს შტატში მდებარე სახლსა და მიწის ნაკვეთს, რომელიც გამოძიების მტკიცებით, ექს-პრეზიდენტმა უძრავი ქონება უკანონოდ მიღებული სახსრებით შეიძინა, ან მას კერძო კომპანიებმა გარკვეული პრივილეგიების სანაცვლოდ გადასცეს. სამართალდამცავი ორგანოების ვერსიით, უძრავი ქონების ნამდვილი მფლობელ ლულა და სილვაა, თუმცა ქონება მისი გარემოცვის წევრებზე იყო გაფორმებული.
თვითონ ლულა და სილვა ამტკიცებდა, რომ ის ნამდვილად აპირებდა აღნიშნული უძრავი ქონების შეძენას, თუმცა მფლობელმა მისი გაყიდვა გადაიფიქრა. ყოფილი პრეზიდენტი მთელი პროცესის განმავლობაში თავის უდანაშაულობას ამტკიცებდა.
სულ ბრაზილიის ყოფილი პრეზიდენტის მიმართ ბოლო წლების განმავლობაში შვიდი სისხლის სამართლის საქმე აღიძრა, ერთ-ერთ მათგანში ის გამართლდა.
0
ავტორი:
