პენიტენციური სამსახურის ყოფილი უფროსის დაჭრის საქმეზე საგანგებო სამსახურის თანამშრომელი დააკავეს

რესტორან „წისქვილში“ მომხდარი სისხლიანი გარჩევის საქმეზე საგანგებო სიტუაციების მართვის სამსახურის თანამშრომელი, ემზარ ზურაბიშვილი, დააკავეს.

შინაგან საქმეთა სამინისტროს განცხადებით, გამოძიების ვერსიით, დაკავებულმა 10 დეკემბერს, ღამით, წყნეთის ერთ-ერთ რესტორანში მომხდარი დაპირისპირების დროს, თავის არეში საგნის ჩარტყმით დაზიანება მიაყენა 1985 წელს დაბადებულ ჭ.გ-ს და შემთხვევის ადგილიდან მიიმალა.

გამოძიება საგნის იარაღად გამოყენებით ჩადენილი ხულიგნობის ფაქტზე, საქართველოს სსკ-ს 239-ე მუხლის მე-3 ნაწილით მიმდინარეობს.დანაშაული 4-დან 7 წლამდე ვადით თავისუფლების აღკვეთას ითვალისწინებს.

წყნეთის ერთ-ერთ რესტორანში პენიტენციური სამსახურის ყოფილი უფროსი, ზვიად მიხანაშვილი და ორი პირი დაჭრეს. შსს-ს განცხადებით, დადგენილია სავარაუდო დამნაშავის ვინაობა, რომელმაც დაპირისპირების დროს, ცივი იარაღის გამოყენებით დაზიანებები მიაყენა სამ პირს.

0

ავტორი: